ឯកឧត្តម ទេព យុទ្ធី បានអញ្ជើញចូលរួមជាអធិបតីពិធីបើកការប្រកួតបាល់ទាត់ពានរង្វាន់សមាគមរាជសីហ៍ខេត្តកំពត លើកទី១ ដើម្បីអបអរខួបលើកទី៤៤ ទិវាជ័យជម្នះ ៧មករា នៅពហុកីឡដ្ឋានខេត្តកំពត
នាព្រឹកថ្ងៃទី០៧ ខែមករា ឆ្នាំ២០២៣ ឯកឧត្តម ទេព យុទ្ធី សមាជិកគណៈកម្មការទី៨ ព្រឹទ្ធសភា និងជាលេខាធិការក្រុមសមាជិកព្រឹទ្ធសភាប្រចាំភូមិភាគទី៥ បានអញ្ជើញចូលរួមជាអធិបតីពិធីបើកការប្រកួតបាល់ទាត់ពានរង្វាន់សមាគមរាជសីហ៍ខេត្តកំពត លើកទី១ ដើម្បីអបអរខួបលើកទី៤៤ ទិវាជ័យជម្នះ ៧មករា ឆ្នាំ១៩៧៩-៧មករា ឆ្នាំ២០២៣ នៅពហុកីឡដ្ឋានខេត្តកំពត។ ពិធីនេះ រៀបចំដោយលោក ឈឹម ម៉ៅ ប្រធានសមាគមរាជសីហ៍សាខាខេត្តកំពត មានក្រុមកីទ្បាករមកពីអនុសាខាសមាគមតាមបណ្ដាក្រុង ស្រុកក្នុងខេត្តកំពតចូលរួមចំនួន ០៦ក្រុម និង មានការចូលរួមពីលោកអ នុប្រធានសាខាខេត្ត ប្រធានអនុសាខា សមាជិក សមាជិកា ក្រុមយុវជនរាជសីហ៍ ព្រមទាំងមានបងប្អូនប្រជាពលរដ្ឋចូលរួមទស្សនាយ៉ាងច្រើនកុះករផងដែរ។
